基金用盡 浸大校牧處籌款
[2018.07.04] 發表
【明報專訊】浸會大學係一間有基督教背景嘅大學，佢哋有個叫校牧處嘅部門。早排學生反對普通話考試風波，學校成立咗個調查委員會，而主席就係時任校牧葉敬德，不過佢4月已經退咗休，𠵱家學校搵緊新牧師。校牧處上星期五?facebook出post，話「因著大學不斷發展、領導層的變遷，品格基金儲備的用盡，由本年度開始，校牧處需要自行承擔所有不敷，而來年預算不敷將超過港幣四百萬」，佢哋發起籌款計劃，呼籲有心人可以定期捐款，如果唔係就要靠校方借錢營運，仲加咗好多個主題標籤，如「校牧處一直與大學生同行參與上主建立他們生命的工作」。
劉子頎留言質問
點解大學無資助呢？原來校牧處係宗教部門，唔受政府撥款資助，浸大話係以大學非公帑同捐款支持，而「品格基金」係好多年前由一班熱心基督徒捐錢成立支持運作。浸大話「大學一如以往，全力支持校牧處的工作」，但就無答係咩類型支持。
喺早前普通話風波事件被停學嘅學生會前會長劉子頎，就留言反問﹕「浸大學生反普畢嗰陣去咗邊？浸大學生畀人停學又去咗邊？有冇為學生講過嗰公道說話？」
更多港聞
【明報專訊】政府早前公布授勳名單同太平紳士委任名單，4名現任建制派立法會議員榜上有名，立法會好快手更新咗議員資料。立法會24名民主派議員當中...
詳情
【明報專訊】青年民建聯早前寫咗一份青年政策建議書畀特首林鄭月娥，適逢林太上任一周年，青民噚日就話派「成績表」，話政府喺青年政策方面評分有B+...
詳情
蔡若蓮籲暑假作業趣味為先 有小學要學生朗讀唐詩拍片 閱報找部首
【明報專訊】繼農曆新年假期鼓勵學校給少些家課，教育局副局長蔡若蓮昨日再撰文，指「休息是為了走更遠的路」，提醒學校在暑假「讓孩子歇一歇」。她呼... 詳情相關新聞
