青年民記評林鄭B+ 彈青年宿舍
[2018.07.04] 發表
【明報專訊】青年民建聯早前寫咗一份青年政策建議書畀特首林鄭月娥，適逢林太上任一周年，青民噚日就話派「成績表」，話政府喺青年政策方面評分有B+，評語係「熱誠可嘉，繼續努力」。
青民主席顏汶羽話，最滿意係政府增加諮詢架構中青年委員嘅比例，呢個係政府重視青年嘅一個標誌式舉動，亦好高興見到政府檢討副學士定位。不過，佢就覺得𠵱家政府做嘅「青年宿舍」只係有助年輕人做生涯規劃，但幫唔到青年上樓，係政策目標錯誤。
青年民建聯副主席胡綽謙話，青年宿舍嘅政策目的應該係畀剛畢業嘅後生仔，有自己私人空間，又可以儲到錢上樓，但𠵱家推出嘅青年宿舍租金貴，未必可以達到目標；而青年宿舍計劃應該加快同擴大，因為現時最快落成?青年宿舍喺大埔，只提供到70至80個單位，遠遠不符需求。
顏汶羽補充，青年宿舍只可以住5年，住緊嘅時候唔可以輪候公屋，擔心相關年輕人搬出宿舍後嘅住屋問題。青民認為青年宿舍應該係房屋政策，應該由民政事務局撥歸運輸及房屋局負責。
更多港聞
蔡若蓮籲暑假作業趣味為先 有小學要學生朗讀唐詩拍片 閱報找部首
【明報專訊】繼農曆新年假期鼓勵學校給少些家課，教育局副局長蔡若蓮昨日再撰文，指「休息是為了走更遠的路」，提醒學校在暑假「讓孩子歇一歇」。她呼... 詳情
【明報專訊】中學文憑試下周三（11日）放榜，有機構早前調查逾千名應屆考生對前往內地和台灣升學的意向，發現逾六成半人無考慮過到上述兩地升學。
...
詳情
相關新聞
