被逐可領紅牌 罰停開會1次 李慧琼倡流會缺席議員罰5000
[2018.06.27] 發表
【明報專訊】特首林鄭月娥上任即將一周年，民建聯主席李慧琼(Starry，圖)噚日同傳媒茶敘，佢形容呢屆政府「開局良好，挑戰巨大」，評論林鄭政府之餘，亦回應近日事件，好似近日議事規則委員會討論係咪要對被逐議員加重罰則甚至「不准出場」，Starry話民建聯認同方向，但罰則嘅程度就需要再討論，並舉例指係咪可以探討唔開會罰錢，例如一旦立法會流會，缺席嘅議員罰5000元；如果行為不檢被趕，係咪引用踢波紅牌、黃牌制度，要罰停開會多一次呢？佢就強調呢個建議無同建制派傾過。
指林鄭上場 行政立法關係改善
Starry認為，林太上場後行政立法關係有所改善，被問到有說法指建制派唔多鍾意林太同泛民太親，Starry就回應話唔同人有唔同風格，但相信普遍市民都樂見現時和諧嘅局面。
對於房屋土地問題，Starry直言今屆政府喺覓地、樓價方面做得唔夠，形容土地大辯論未必會得到共識，反而會拖慢搵地時間，一般市民亦難以掌握咁多選項。
佢話該黨認為移山填海難以避免，政府應考慮係咪適度填海，或者喺綠化、郊野公園邊陲地帶，政府要開發有關土地建屋時，亦要承諾係用作公營房屋為主。
更多港聞
【明報專訊】邊個政府部門咁大膽，約咗議員見面竟然「放飛機」？本身係註冊社工嘅工聯會勞工界立法會議員陸頌雄噚日主動同記者講，原本前日（25日）...
詳情
動夏嘉年華月底開鑼 海洋公園員工不滿工時抗議贈興
【明報專訊】海洋公園喺夏天都會搞以水為主題嘅「夏水禮」，但園方今年一改主題，改為以海洋生物、野生動物及雀鳥為主題嘅「動夏嘉年華」。園方為此投... 詳情
相關新聞
