【明報專訊】民主派立法會議員區諾軒去年退出民主黨，佢噚日接受民主黨前主席劉慧卿訪問，大談退黨原因。佢形容自己係屬於「砌」嘅路線，加上進步民主派被打壓得厲害，「基本上係被剝光豬」，所以自己想去幫進步民主派一把。佢仲話，當時諗咗好耐係咪要退黨，卿姐聽到就話：「衰仔，成日都想走。」至於會唔會參加下屆立法會選舉，區話：「Never say never(永不說不)。」但就話講呢個問題真係言之尚早。 卿姐喺網台節目《議會內外》單刀直入，問區諾軒舊年9月退黨，係咪準備參選(立法會補選)，區否認，強調退黨同參選係分開嘅事件，指離開民主黨係因為覺得自己專長係「砌」，因此希望協助進步民主派。區又話，去年11月、12月左右，民主動力開會討論如果眾志唔入閘嘅問題，當時眾志先搵區諾軒討論代替人選方案。 不過，卿姐聽到進步民主派𠵱這幾個字就反問，「民主黨係退步路線？」仲叫區要小心字眼。區立即補鑊話「民主黨都有進步嘅地方」。 區諾軒話，好多眾志嘅朋友喺佢嘅辦事處工作，「區諾軒就係區諾軒，眾志就係眾志，我嘅立場係可以同眾志唔同」。佢又話，同眾志喺主權問題上立場有分別，佢覺得係港人決定自己嘅未來選項上，可以無港獨選項。佢解釋「香港人有權決定自己嘅未來」呢句話係無錯嘅，但好遺憾《基本法》下係無港獨嘅選項。
|
| |
| |
;){kind=small}
