林卓廷唔識內地上網 向記者求救

民主黨林卓廷噚日換咗電話同電話卡返內地，但就上唔到網，記者發現原來佢無開到漫遊。（梁智康攝）

【明報專訊】立法會大灣區3日考察團噚日開始，第一站參觀內地首間互聯網銀行「微眾銀行」嘅深圳分部，民主黨林卓廷參觀時，同身處採訪區嘅記者閒聊，不過兩句唔埋就拎起手機求助，究竟所為何事呢？

今次考察團唔少泛民議員都特登換電話卡，甚至換埋手機先北上，阿廷無帶用開嗰部蘋果手機，而係拎咗部小米上去，又換咗電話卡，結果因為唔熟習用法上唔到網。記者睇過，原來阿廷未開啟漫遊功能，最終按幾個鍵，佢就成功連上互聯網。民建聯何俊賢同工聯會何啟明喺阿廷背後見到，就笑住問阿廷部手機「有無錢」，即係問佢有無電子錢包。

考察完華為 兩局長總部濕平

考察團噚日行程緊密，一個下晝就參觀咗3個地方，隨團嘅政制及內地事務局長聶德權同財經事務及庫務局長劉怡翔，喺參觀完深圳華為坂田總部之後，齊齊到總部地下商店購物，聶德權拎出手機用電子錢包買咖啡，劉怡翔就用現金買書，似乎仲未跟上內地支付趨勢。

更多港聞

贈王志民水墨畫 范國威搞「題字諮詢」

【明報專訊】立法會會喺下星期一（23日）宴請中聯辦主任王志民，新民主同盟議員范國威講明會出席，噚日講明計劃送水墨畫畀王志民，呼籲網民集思廣益... 詳情

三成港人一年無睇過實體書

【明報專訊】𠵱家好多嘢都電子化，書籍都唔例外，香港出版學會連續第三年做「香港全民閱讀調查」，就發現有三成人過去一年無睇過實體書。 香... 詳情

郵輪公司推高鐵套票 拓內地客源

【明報專訊】唔少人間中想離開香港唞啖氣，除咗搭飛機，郵輪旅遊近年係新選擇。有郵輪公司講起，話留意到高鐵最快喺9月就通車，諗住計劃下年搞「高鐵... 詳情