6月卸任資訊科技總監 楊德斌力推「親生仔」
[2018.04.09] 發表
【明報專訊】政府資訊科技總監楊德斌(圖)做到今年6月就唔再續約，臨別在即，資科辦仍然有好多工作排緊隊未上馬，包括智慧城市藍圖入面嘅數碼個人身分系統、政府大數據分析平台等，上星期楊德斌仲堅持出嚟同記者介紹佢落手落腳搞嘅「互聯網經濟峰會」。
「互聯網經濟峰會」可以話係楊德斌嘅「親生仔」，因為係由佢上任開始搞嘅年度活動，今年第三屆，將於星期四、五舉行，活動分為4個部分，其中會主力探討「人工智能」、「智慧城市」同「數碼轉型」，今年仲邀請咗聯合國副秘書長參加。
為咗鼓勵年輕人了解創新科技，活動會同期安排500名學生參觀IT博覽導賞團。楊德斌話見到今年ICT Awards(香港資訊及通訊科技獎)學生組別作品質素高，例如有初中生製作出成本只需7毫子嘅「智能藥袋」，唔可以睇小我哋未來棟樑咁話。
■互聯網經濟峰會詳情及報名﹕www.ieconomysummit.hk
更多港聞
TSA意向今須覆教局 擬全級考學校：不操考核更準
【明報專訊】小三全港性系統評估（TSA）今年全面復考，將抽取每所資助學校10%小三生參加，如學校欲全級學生應考，需於今天或之前通知考評局。有... 詳情
【明報專訊】《財政預算案》建議在小學推行「一校一社工」，相關細節仍未公布。上月29日教育局長楊潤雄與社福界會面，香港社會工作者總工會（社總）...
詳情
相關新聞
