范國威重返議會再讀新丁班
[2018.03.16] 發表
【明報專訊】喺立法會補選中勝出嘅4位新任議員，將會喺下周三嘅大會上正式宣誓。立法會噚日為幾位候任議員舉行工作坊，介紹議會工作同議員申報等資訊。曾經做過一屆立法會議員嘅新民主同盟范國威喺競選時，答錯立法會大會喺周三朝早9 點開始，佢噚日都有現身新丁班，話近年只係注重地區工作，少咗留意議會事務，所以都要「溫故知新」。
范國威：溫故知新
范國威話，𠵱家改咗議事規則，佢需要了解新規矩，需要一啲時間去適應。新丁區諾軒同范國威喺模擬宣誓時非常認真咁聽書，仲好認真咁試讀一次誓詞。
區諾軒用返羅冠聰901號房
區諾軒同Emily講，𠵱家心情如履薄冰，因為有好多事要學習，加上未上任已經被一啲建制派人士打壓，所以做事要好謹慎，唔可以出錯。佢又話，會用返香港眾志羅冠聰以前用嘅901號房，「重奪議會由重奪901開始」。
根據立法會公布嘅議事廳座位表，區諾軒會坐喺朱凱廸同謝偉銓中間，而范國威就坐人民力量陳志全隔離。民建聯鄭泳舜坐喺立法會主席梁君彥原有嘅位。
更多港聞
特稿：英華台灣取經推廣閱讀 高雄圖書館啟發 推圖書福袋
【明報專訊】圖書中蘊藏無數知識，不少家長費盡心機，盼建立小孩閱讀的興趣，惟「全球學生閱讀能力進展研究」去年公布，顯示香港僅36%學生的閱讀興... 詳情
【明報專訊】2018/19學年《財政預算案》預留25億元成立學生活動支援基金，取代香港賽馬會全方位學習基金。有校長指現有的全方位學習基金資助...
詳情
相關新聞
