警發「冤氣報告」：放閃影響交通
[2017.12.25] 發表
【明報專訊】警方噚日喺facebook專頁發放「冤氣報告」應節短片，由「升級報道員阿安」主持。佢話每逢佳節，部分地區都有大量人流聚集「打卡放閃」，又引用「非正式統計」指「當中情侶密度比一個成年男士的骨質密度更高」，高危地區包括中環、灣仔同尖沙嘴，指有關情况「影響交通」，話呢啲地區「幸福指數達到15，屬極高水平」，有可能嚴重影響一班單身人士嘅心理健康。最後阿安戴上墨鏡作拭淚狀，並振臂高呼「單身萬歲」。阿安話，為確保市民「順利放閃」，警方聖誕期間會喺上述地區實施特別交通措施，呼籲市民遵守現場警員指示。
更多港聞
相關新聞
