民調：公共交通評分 港鐵表現最好
[2017.07.26] 發表
【明報專訊】香港大學民意研究計劃噚日發放最佳公共交通機構評分，結果發現市民最熟悉嘅公共交通機構係九巴，但評分調查方面，港鐵表現最好。民研計劃喺7月分兩個階段做調查，分別以電話訪問410同407名香港巿民，調查員亦邀請受訪者講出多至5間最熟悉嘅本港機構，獲得最多提名嘅公共交通機構分別係九巴、港鐵同城巴。
喺評分調查中，港鐵表現最好，由今年4月嘅59分升至63.7分，位居榜首，調查機構估計同近期車費回贈同宣傳有關。九巴今次嘅分數微跌0.2分，由63.6跌至63.4分，排名由上次榜首跌至第2位；第3名同上次一樣都係城巴，得分就由上次59.4升至61.7分，民調機構估計同車上提供免費Wi-Fi等有關。
更多港聞
相關新聞
