譚允芝獲頒浸大榮譽院士
[2017.07.25] 發表
【明報專訊】浸會大學噚日宣布頒授榮譽大學院士畀9名傑出社會人士，表揚佢哋對社會嘅貢獻，其中一個係香港大律師公會前主席譚允芝。敢言又經常強調守護香港法治嘅譚允芝，曾話人大對立法會宣誓釋法係「百害而無一利」，早排仲傳出佢係律政司長熱門人選之一。
浸大話譚允芝喺專業領域同社會服務上貢獻良多，又熱心支持浸大，原來佢喺2011至2016年間擔任浸大校董會同諮議會成員，仲擔任人事管理委員會副主席及成員6年，就大學人事政策提供意見，同埋參與校長聘任委員會工作。其餘獲頒院士嘅包括浸大榮休校長謝志偉太太謝吳道潔，佢喺1970至1998年擔任大學圖書館館長。其他7人包括賈南溪(Nancy E Chapman)、蔡懿德、林海涵、李兆麟、陳守仁、鄧貴彰及黃英琦。
更多港聞
相關新聞
