【明報專訊】世界宣明會、浸信會醫院區樹洪健康中心及香港電台第五台噚日合辦第26屆「耆英饑饉8小時」，今次有600個長者參加，一齊饑饉8小時，年紀最大嘅參加者有96歲。

今年嘅個人最高籌款大獎冠軍係93歲嘅蔡桂英婆婆，佢喺幾個月內憑一人之力籌到2.85萬元，蔡婆婆之所以咁支持耆英饑饉，係因為佢年幼時曾經歷貧窮嘅苦楚，所以好希望幫助其他貧窮同有需要嘅人。可惜蔡婆婆早前與世長辭，無法親自領獎，所以蔡婆婆所屬嘅中心特別安排一個年輕職員代為領獎，希望藉此鼓勵年輕人承傳蔡婆婆助人嘅熱心。圖為一眾長者喺活動開始前做活腦操熱身。