最熟政治人物 新舊特首頭3名
[2017.05.24] 發表
【明報專訊】港大民意研究計劃噚日公布最新嘅「政治人物排名榜」，特首梁振英繼續成為最熟悉嘅政治人物，候任特首林鄭月娥排第2，前特首曾蔭權就排第3。
港大民研話，上次排名第7嘅立法會前議員黃毓民，以及排第9嘅民建聯主席李慧琼，就分別下跌至第15同第13位，跌出榜外。民主黨創黨主席李柱銘，以及香港2020召集人陳方安生，就分別由第15同第14位，上升至第9位同第10位，取代黃李二人。
根據民調數據，梁振英、梁國雄、林鄭月娥、曾蔭權同葉劉淑儀，都係港人長期熟悉嘅本地政治人物。民研計劃研究經理李偉健話，排名方法係量度知名度，同支持度無關。上述民調喺本月15至18日舉行，以隨機電話訪問方式訪問咗1000個香港市民。
更多港聞
【明報專訊】候任特首林鄭月娥前日與教育界代表會面，提出中小學「班師比」（即學校每班可獲常額教師人數比例）劃一增加0.1，料全港可因此增加約2...
詳情
相關新聞
