重返行會？ 葉劉：開會多數中委贊成
[2017.04.27] 發表
【明報專訊】早前因參選特首辭去行政會議嘅新民黨主席葉劉淑儀，日前承認收到候任特首林鄭月娥邀請加入下屆行會，佢一時話無興趣，一時又話要諮詢黨友意見。新民黨噚晚開中委會，有討論呢個重要議題，葉太會後就同Emily透露，多數中委意見係贊成自己重返行會，因為覺得政府唔夠人才，亦同時可以幫到個黨發展。至於佢有無最後決定？葉太話要再諗清諗楚，又指仲未諮詢顧問意見，睇嚟大家想知答案要等多兩日。
咁葉太又會否推薦黨友加入政府諮詢架構？佢承認遲啲會交名畀林太，但強調唔會推薦人入中策組研究部嘅位，因林太講明要全職做，意味黨友要辭去區議員職務，葉太當然唔制。
稱痛症復發需針灸
葉太噚日喺立法會行路時步伐較慢(圖)，原來佢坐骨神經痛復發，要搵中醫針灸。葉太話以前喺美國讀書時，試過痛到要囡囡Cynthia幫佢拎書包返學，最痛時「腳板掂到地都痛」，當時就喺加州巧遇前保安司黎慶寧嘅表妹，表妹當時喺加州執業幫人針灸，最終針灸咗幾個月就好番。葉太今次就搵咗讀中醫出身嘅港島區議員林偉文，幫手介紹針灸師。
更多港聞
【明報專訊】基本能力評估研究計劃（BCA，即「優化版TSA」）下周四及五（5月4及5日）開考，保良局陸慶濤小學前天向家長發通告，稱有77名小...
詳情
【明報專訊】吸毒傷害身體，但青少年未必明白，青協將推出虛擬實境（VR）體驗，讓年輕人及早「體驗」吸毒後會出現的幻覺等副作用，警惕他們遠離毒害...
詳情
相關新聞
