花卉展主打玫瑰 今維園開幕

一年一度嘅花展今日起一連10日喺維園舉行，今年花展以「玫瑰」做主題花，場內設有唔少玫瑰花嘅展品，包括其中一個大型展品「瑰麗‧情真」，就以四大朵玫瑰花造型雕塑為中心（左）；而玫瑰雕塑周圍就設有4個咖啡杯，各有擺設，其中一個就有一對情深依偎嘅愛情鳥（右），象徵愛情。（蘇智鑫攝）

由於今年係香港特區成立20周年，今年花展場內特設有一個名為「生日蛋糕」嘅花藝擺設，慶祝呢個重要日子。（蘇智鑫攝）

【明報專訊】3月乍暖還寒之際，一年一度嘅「香港花卉展覽」今日起至19號一連10日喺維園舉行，有超過240個嚟自17個國家嘅機構參展。今年花展主題為「愛‧賞花」，以玫瑰做主題花，場內會展出超過35萬棵花卉，包括大約4萬棵玫瑰，令維園變成五彩繽紛嘅花花世界。

既然今年花展主打玫瑰花，場內又點少得玫瑰花嘅展品？其中一個大型嘅玫瑰花展品「瑰麗‧情真」，就以四大朵玫瑰花造型雕塑為中心，由唔同角度展現玫瑰浪漫、高貴同美麗嘅面貌。另一個大型展品、由花卉鑲嵌成花壇嘅「遊園樂」，造型係唔同嘅機動遊戲，包括仿照摩天輪設計，以喚起市民喺遊樂場嘅快樂回憶。

生日蛋糕擺設賀回歸20年

鬱金香深受港人喜愛，今年場內就有1.4萬棵由唔同顏色鬱金香鋪設而成嘅「花海」，預料會成為市民「打卡」嘅好地方。由於今年同時係香港特區成立20周年，場內亦設有一個名為「生日蛋糕」嘅花藝擺設，以慶祝呢個重要時刻。

除咗一系列花卉展品，每晚7點半同8點半場內都會舉行燈光匯演，花展期間亦設有適合一家大細參與嘅工作坊同遊戲等。

花展開放時間為每日朝9晚9，部分日子會延長開放至夜晚10點，入場全費14元；長者及小童收7元。詳情可以瀏覽康文署網頁﹕www.lcsd.gov.hk/tc/hkfs/2017/index.html

更多港聞

故宮館諮詢完結 收逾1500份問卷

【明報專訊】為期8個星期嘅香港故宮文化博物館公眾諮詢前日屆滿，西九文化管理局噚日出稿話，諮詢期間收咗1575份已填妥嘅問卷同58份意見；喺中... 詳情

唐唐上京 空氣淨化機隨身

【明報專訊】唔少人上北京都會擔心空氣唔好甚至出現霧霾，全國政協常委唐英年近日喺北京出席兩會會議，身上都夾住一個小裝置，原來係隨身嘅空氣淨化器... 詳情

菜統處種出4新品種 可做沙律 全年生產

【明報專訊】漁護署噚日公布喜訊，話同蔬菜統營處設立嘅「全環控水耕研發中心」近日栽種出4個新品種菜苗：冰菜、西蘭花苗、西洋菜苗同小松菜苗。 ... 詳情

免費幼教22校學費偏高 逾半將減費 全日班最多1800元 有學校或免費

【明報專訊】免費幼稚園計劃下學年實施，教育局月前公布參加計劃幼園擬收取的學費水平，並質疑22間幼園收費偏高。本報致電所有被指收費偏高的幼稚園... 詳情

話劇宣揚防自殺 浸大學生奪冠軍

【明報專訊】賽馬會防止自殺研究中心去年推行由院校學生主導的防止自殺計劃，讓學生於大學內組織精神健康活動，配合專業人員指導，加強大眾對精神健康... 詳情