大數據分析特首戰 「硬淨」葉劉 網民評價兩極
[2017.02.18] 發表
【明報專訊】facebook可以係今次特首選舉嘅其中一個重要戰場，民情走向變幻莫測。有本港公司都喺選戰中應用大數據分析輿情。
追蹤76網媒
慧科大數據揀咗76個網媒facebook專頁，由今年初開始，追蹤海量網民帖文及留言，用人工智能同文本分析，識別對各個參選人「支持」同「不支持」嘅內容。
大數據發現，4個參選人中，林鄭月娥最受關注，同佢有關嘅帖文數量多達64.8%，「梁振英」就頻密出現喺林鄭「不支持」熱詞榜，但熱門程度逐步下降緊，早排仲跌出十大熱門詞組。
至於參選人葉劉淑儀嘅熱詞榜，就經常同步出現「林鄭月娥」，反映網民鍾意將兩人相提並論。不過有趣嘅係，葉劉嘅「支持」同「不支持」榜單，同時有「強硬」、「硬淨」等詞，似乎大家對佢作風評價兩極。
曾常被批「HEA」
而曾俊華「不支持」詞組明顯較少，最常見嘅批評係「HEA」。佢喺「年輕」類專頁支持量有成84.9%，似乎深得年輕人歡心。
相比之下，胡國興嘅關注度就明顯偏少，提及佢嘅帖文只佔4.2%。
一般唔支持嘅留言主要嚟自「親建制」類媒體專頁，包括「佔中」、「好玩」等。
唔知睇完呢啲數據，對參選人之後嘅輿論戰有無咩新啟示？
更多港聞
【明報專訊】貿易發展局主席羅康瑞任期到今年5月底先至屆滿，政府噚日公布特首梁振英再度委任羅康瑞為貿發局主席，任期兩年，今年6月1日起生效。
...
詳情
相關新聞
