立會靜咗 梁君彥：「政治雷達」去咗選舉

【明報專訊】立法會主席梁君彥上場初期，議會內爭吵不斷，搞到梁主席都好頭痛，至近期議會突然變得好太平咁，會議仲好快開完。梁主席就話，𠵱家社會上政治雷達都係關心特首選舉，而佢或立法會唔喺雷達範圍內，希望政府換屆前議會都可以平靜啲。

近日支聯會副主席蔡耀昌取得回鄉證返內地，梁主席又會唔會帶全體立法會議員北上交流？佢就話呢啲事唔使急，又話特首選舉前難以成事，而之後又有回歸20周年活動，大家都會忙。不過，佢話議員想去內地交流唔一定要靠佢，各個委員會都可以各自提出要求，例如以委員會名義考察東江水都可以諗嘅。

立法會𠵱家靜番啲，但到咗出年3月之後又要審議財政預算案，可能又有議員拉布。對於剪布問題，梁君彥答得輕鬆，話前主席曾鈺成已做咗樣辦供參考，以前大概用咗100個小時審議，但當中20多個小時花喺點人數度。佢當然會參考前主席做法，仲話明唔會特別幫政府，會留足夠時間及程序畀議員辯論表態。

更多港聞

20粒焗10個鐘 大近視波哥教冲杞子水

【明報專訊】立法會保險界議員陳健波（波哥）噚日喺facebook上載短片，透露自己20歲出頭就有800幾度近視，但𠵱家60幾歲對眼都無乜大... 詳情

黃碧雲錢志庸監警會嘈交

【明報專訊】做咗監警會委員6年嘅民主黨黃碧雲，月底就會期滿卸任，佢噚日出席監警會同警方嘅聯席會議時，繼續佢踴躍發問嘅作風，結果臨尾一次開會，... 詳情

誠哥基金支持 步行籌款助基層學童

【明報專訊】香港基層兒童支援未必足夠，「333小老師培訓計劃」專為低收入家庭學生提供功課輔導、增值課程等。李嘉誠基金會支持嘅幼吾幼慈善基金前... 詳情