缺席葉劉參選會 曾鈺成為葉議員站台

教育界立法會議員葉建源（後）寫嘅《漢字變變變》近日再版，噚日仲請咗立法會前主席曾鈺成（前）做發布會嘉賓。葉、曾對解漢字字型都好有興趣，曾鈺成大讚《漢字變變變》好值得閱讀。（曾憲宗攝）

（圖一）

【明報專訊】教育界立法會議員葉建源噚日開新書發布會，仲請咗立法會前主席曾鈺成做嘉賓。曾鈺成無出席前日新民黨主席葉劉淑儀宣布參選特首嘅造勢大會，佢話要避免誤會。不過，曾鈺成笑住話﹕「好願意為葉議員(葉建源)站呢個台，推薦新書。」

係葉建源書迷

葉建源嘅《漢字變變變》再版，搵咗曾鈺成寫序。葉建源話自己細細個就對漢字字型好有興趣，當年喺大學讀中文系就已經有研究。曾鈺成就大讚呢本書好睇，仲話收過唔少立法會議員送嘅書，但《漢字變變變》係唯一一本有睇晒。曾鈺成仲話已經將本書送畀讀小五嘅孫仔睇，又呼籲教師都應該睇吓。

《漢字變變變》係一本介紹古漢字演變嘅書，講解漢字字型嘅故事，內容淺白好易明。例如書中有教「兒」字嘅演變，話「臼」代表小孩子仲未生埋嘅頭蓋骨，即係廣東話嘅「腦囟都未生埋」。

近日因為新民主黨主席葉劉淑儀嘅特首競選標誌，網上興起研究漢字嘅熱潮，網民熱烈討論葉太選舉標誌嘅變動「贏」及「(圖一)」字意思。葉建源呢本書就無咁update啦，Emily問葉建源，葉太用嘅變種「贏」字(上面(圖一)，下面win)應點拆解，葉建源就話呢個係中英夾雜，根本唔係漢字喎！

更多港聞

沒有男朋友 葉劉﹕不會有緋聞

【明報專訊】新民黨主席葉劉淑儀之前宣布參選特首，佢個競選標誌就成為網上熱話，據Emily了解，葉太今次宣布參選大會嘅「幕後玩家」係國際傳訊公... 詳情

讚完葉劉 田二少又讚Miss Mo「坦率得可愛」

【明報專訊】新民黨田北辰日前喺葉劉淑儀參選大會上，公開讚葉太「坦率得可愛、堅持得可敬」，估唔到一日之後，田二少又讚女議員「坦率得可愛」，今次... 詳情

議員助理請願 不滿行管會出入限制

【明報專訊】立法會外面時不時都有團體請願，勢估唔到連立法會議員助理都要出嚟抗議。原來早排青年新政梁頌恆、游蕙禎聯同助理硬闖會議室，一度同保安... 詳情