【明報專訊】今年競逐連任金融服務界、上屆立會選舉僅以6票險勝�儭g民聯張華峰，噚日中午冒住30幾度高溫，�鬗分竷璈鶻s場附近派傳單拉票。張華峰今年面對香港證券業協會副主席徐聯安，同埋前界別議員詹培忠個仔詹劍崙�麍D戰，但張華峰否認因為選情不穩先落街派傳單，強調係想解釋主張，自己對選情有信心。

無懼挑機 不點名批有人搞分裂

不過，金融服務界只得622張團體票，張華峰都承認「漁翁撒網式」派傳單作用有限，事實上唔計助選團，張華峰自己�鬘b個鐘只派出10幾張傳單，反應頗為冷淡。證監會上市架構諮詢近期引起爭議，張華峰早前被批評立場不定，但佢噚日強調，已經去信證監會要求擱置諮詢，原因係市場未有共識。

張華峰話，作為業界代表，捍衛業界利益係「天公地道」，不點名反擊話候選人唔應該用諮詢一事做選舉攻擊武器，更唔應該「上綱上線、挑撥是非、分裂業界」，否則只會損害業界利益。