譚允芝「成功爭取」小提琴可當手提行李
[2016.06.14] 發表
【明報專訊】大律師公會主席譚允芝(Winnie)最近喺facebook貼咗張電郵截圖，話收到國泰高層回覆，決定容許國泰同港龍嘅乘客，將小提琴等小型樂器當做手提行李帶上機。Winnie叻叻豬「成功爭取」，佢亦大讚今次國泰從善如流，話其實只要好好地講，唔好乜都推人哋埋牆角，人哋係會聽到你嘅意見，呢樣嘢好啱𠵱家嘅香港社會。
Winnie話大概喺2010年，當時佢陪18歲寶貝女搭港龍去北京演出，辦理登機手續時，職員話小提琴可以當手提行李，但正式登機時就話只可寄艙，好彩最後小提琴無穿無爛。諗起之前行李門事件，Emily問Winnie嗰陣有無表明身分，佢就笑笑口話自己只係小市民一個。
第二年，由Winnie做聯席主席嘅音樂基金邀請內地知名音樂家來港表演，點知港龍職員話小提琴只可以寄艙，音樂家當然唔制，於是即刻出錢買過另一間航空公司嘅機票。自此之後，佢啲音樂朋友如果拎住小提琴，都唔會搭港龍。Winnie又話全世界好多航空公司都畀小提琴做手提行李，唔明點解淨係港龍唔得。
直到上個月，譚允芝咁啱同國泰航空服務董事詹善仁食飯，傾開呢個規定，又話港龍因為咁損失咗唔少音樂界嘅生意。詹善仁聽到就話會研究吓，結果譚允芝噚日就收到好消息。國泰發言人噚日回覆話，國泰同港龍將會就攜帶小型樂器以手提行李登機作出統一規定，將會喺夏季稍後時間公布。
更多港聞
贊成綠化屋頂 建築師：計負荷力係common sense
【明報專訊】城大運動中心早前發生綠化屋頂倒塌事件，著名本地建築師呂元祥個仔呂慶耀（Bryant，圓圖），原來都曾經幫城大新大樓做建築同綠化工... 詳情
一帶一路撥款 黃毓民預告拉布 李慧琼促政府內部調資源
【明報專訊】立法會教育局事務委員會昨討論撥款10億元推行一帶一路獎學金計劃，雖有部分建制派議員表示支持，但出席的泛民議員全數反對，委員會昨未... 詳情
【明報專訊】QS世界大學排名機構公布2016年亞洲大學排名，由新加坡國立大學禪聯首位，香港大學續排第二位，而香港科技大學、城市大學及中文大學...
詳情
相關新聞
