【明報專訊】電車公司首架冷氣電車將於下周一投入服務，而特首梁振英(CY)噚日就率先試搭，相信今次唔係「特事特辦」，因為CY今次係同運輸署長楊何蓓茵一齊去實地視察，聽埋電車公司介紹業務情况同發展計劃，佢仲話電車係香港嘅公共交通系統中可以發揮更積極作用。 叫大家畀意見冷氣好定懷舊好 CY喺網誌〈氣電車試驗〉寫試搭感受，大賣溫情，「電車是我們的集體回憶，小時候住西營盤警察宿舍，長長的走廊對着電車路，經常聽到叮叮車走過」。佢又話究竟有冷氣好，定係繼續懷舊無冷氣好，叫大家不妨試試同畀意見。 CY網誌呢期接連寫交通議題，好似前日寫〈飛機租賃公司上市〉一文，話好高興見到有飛機租賃公司喺香港上市，講嘅係啱啱上市嘅中銀航空租賃(2588)，但可惜噚日收市股價跌咗3.2%，報40.65元，上市第三日就正式跌破42蚊嘅招股價。
|
| |
| |
;){kind=small}
