【明報專訊】海洋公園今年繼續搞「招魂大典」，為哈囉喂全日祭招募一班「嘩鬼」。除咗會物色1000個「嘩鬼」演員外，海洋公園仲會招攬400個後台工作人員，同600個前線後勤服務人員，一共有成2000人。嘩鬼演員最高人工可以有145蚊一個鐘。 海洋公園演藝節目總監歐陽綺華話，好多人未必識得扮鬼扮馬，鼓勵佢哋可以試吓其他支援崗位，例如嘩鬼演員護法，要貼身睇住班周圍去嘅嘩鬼演員，確保演出順利。 下周四(6月9日)第一場「招魂大典」會喺鑽石山荷里活廣場舉行，到時部分職位有即場面試。之後，海洋公園會搞多幾場「招魂大典」，仲會喺6月19日出動埋流動招聘車，去各區招唔同「鬼才」加入哈囉喂大家庭。
|
| |
| |
;){kind=small}
