迪士尼新機動遊戲年底開幕 Iron Man帶你飛越維港

[2016.05.17] 發表
香港迪士尼宣布,以漫威英雄「鐵甲奇俠」為主題嘅遊樂設施「鐵甲奇俠飛行之旅」已進入系統測試階段,今年底開幕,到時旅客會好似同主角Tony Stark一齊飛,穿越青馬大橋同西九等地方,展開冒險之旅。(迪士尼提供)

【明報專訊】上海迪士尼下月16日正式開幕,香港迪士尼樂園今年亦會推出新遊樂設施吸客,當中首個以漫威(Marvel)為主題嘅機動遊樂設施「鐵甲奇俠飛行之旅」都準備就緒,已經進入系統測試階段,計劃會喺年尾開幕,到時入場人士可登上史達工業最新發明嘅飛行車「鐵甲號」,恍如由主角東尼史達(Tony Stark)帶領,飛越西九龍同銅鑼灣等地區,其間會清楚見到青馬大橋、維港景色等。

迪士尼話「鐵甲奇俠飛行之旅」嘅建造工程將近完成,今年年底會喺明日世界嘅全新漫威主題區開幕。

配合立體影像動感效果

旅客登上呢個遊樂設施之後,整個旅程會配合立體影像、聲效同強勁嘅動感效果,令遊客好似同Iron Man主角東尼史達飛越香港山脈同街道,包括西九龍、銅鑼灣、山脈、市區的士及維港景色等,一齊合力對抗邪惡勢力「海德勒(Hydra) 」。

入到「鐵甲奇俠飛行之旅」,除咗有得玩、有機會買到獨有嘅主題商品,而且仲有機會投入故事中,同「鐵甲奇俠」會面兼影相。

更多港聞
【明報專訊】立法會嘅功能組別議員通常都會為業界利益發聲,不過作為傳媒行業代表嘅「體育、演藝、文化及出版界」議員馬逢國,似乎就唔多滿意記者喺立... 詳情
獲薦選港島 許智峯同莊榮輝食「和頭早餐」
【明報專訊】民主黨中西區區議員許智峯早前獲黨內推薦參加立法會港島區直選,不過在黨內初選時,就有指港島支部唔少成員都支持反圍標大聯盟發言人莊榮... 詳情
自創軟件程式 「叮叮」加密班次
【明報專訊】上年前政府規劃師薛國強聲稱「行路快過搭電車」,嫌電車唔夠效率,向城規會申請取消中環至金鐘電車路軌,引起唔少鍾意搭電車嘅市民反對,... 詳情
【明報專訊】立法會主席曾鈺成噚日宣布,由下屆立法會開始,立法會發出嘅傳媒採訪證唔再分網媒、紙媒或電子傳媒,任何合法註冊、主要從事新聞行業,以... 詳情
【明報專訊】消委會噚日公布家居寬頻格價,當中提到通訊辦網頁列出嘅收費資料outdate,搞到消費者唔知點比較,好似有營辦商提供嘅資料仍然停留... 詳情

明報網站 · 版權所有 · 不得轉載
Copyright © 2016 mingpaocanada.com All rights reserved.
Ming Pao Daily News A wholly owned subsidiary of Ming Pao Enterprise Corporation Ltd.
Vancouver Chinese Newspaper

5368 Parkwood Place, Richmond B.C. V6V 2N1 | Tel.: (604) 231-8998 | Fax: (604) 231-9881/9884 | Advertising Hotline Tel.: (604) 231-8992