明報新聞網海外版-明報加西版(溫哥華) - Ming Pao Canada Vancouver Chinese Newspaper
[ 前往新版面 ]
 
 
圖片
財爺曾俊華(左二)同Rex(中)、Jay(左一)、Rex嘅師弟Raymond(右二)、Jay嘅拍檔Ken,帶住Rex嘅3條拳王腰帶合照。只有19歲嘅Raymond啱啱從業餘改打職業拳賽,財爺祝佢順利起步,好似師兄Rex一樣成為另一個香港傳奇。(曾俊華網誌圖片)
放大
 

其他新聞
CY fb祝母親節快樂 粉絲:嬲親正衰仔
團體促逸東邨設臨時街市
讚猛人無私奉獻 沈祖堯籲學生懷抱大我
教院升格改校徽 似現有設計
赤貧「孤兒」與林鄭度母親節
[顯示全部題目]

[昔日明報]

 
港聞
 與CY唔對嘴 財爺探曹星如 話運動商機大

【明報專訊】梁振英(CY)未選特首、仲係行會成員時,常撰文評政事,觀點同當時嘅特首曾蔭權唔同;財爺曾俊華近年都好敢言,噚日喺網誌文章〈體育經濟學〉同CY「唱反調」。財爺話上周四晚去拳館探望「神奇小子」曹星如(Rex),話體育運動創造龐大商機及生意額,「除了運動員本身吸金力強大,整條產業鏈也能帶動廣告宣傳、賽事統籌、體育用品,甚至飲食、旅遊、酒店等等,可以產生巨大的經濟效益……不論是班費、電視轉播權、商業贊助、商品營銷等都是天文數字」。

大家記得CY喺2014年講過,體育界等「沒有任何經濟貢獻」,但仍可參與特首提名;財爺就似乎不敢苟同,佢以Rex為例,「當晚參觀Rex集訓的拳館,現場有不少男女白領在學拳或健身,相信當中不少人是慕Rex的名而來學拳,這亦反映一個知名運動員,可以帶動的商業利益」。

話周六捧Rex場

近期多次提起英超冠軍球隊李斯特城嘅財爺又話,據統計喺上一個球季,英超球隊總收入高達破紀錄嘅34億鎊(約377億港元),稅前盈利達13億港元。剛贏得聯賽冠軍嘅李斯特城,據報道,估計從賽事獎金、門票收益、廣告贊助以及下季參與歐洲賽事嘅出場費等,可得到1.5億鎊(16.6億港元)收入。李斯特城呢個英國中部小城亦多咗人認識,話當地民眾對社區嘅歸屬感和凝聚力,價值更加難以計量。

講番Rex,周六佢會喺灣仔會展打第19場職業拳賽,大家都希望佢可以創下19場不敗紀錄,而財爺就呼籲大家屆時捧場。Rex就話,同屬武林中人嘅財爺為佢打氣,感覺好開心,又話付出嘅努力能夠帶動到拳擊運動,令呢項冷門運動有更多人留意,一路以來付出嘅辛苦都係值得。

 
 
今日相關新聞
與CY唔對嘴 財爺探曹星如 話運動商機大
[顯示全部題目]



引用明報

引用明報(加拿大)內容收費準則:(包括:報章,各類附刊,數碼及任何名下之內容)

文字:每100字(含標點符號) 30元
特別內容如獨家新聞,名家約稿等另按情況收費

圖片:每張50元
獨家,合成圖片,圖樣設計另議。

凡未於收費表列明之項目而屬明報(加拿大)內容者,引用者請先行查詢收費。

舉報剽竊內容獎勵辦法:

凡舉報可能剽竊明報(加拿大)內容者,若有關舉報能成功令明報(加拿大)追討有關費用,在扣除追討費用後,舉報者可獲有關金額的15%作為酬勞。

 
廣告 advertisement
 
 
廣告 advertisement
 
 
 
 
 
主頁 ,  聘請 , 招租 ,
商業招租  ,  出讓  ,  補習  , 
招生  ,  各類服務  ,  其他