新同盟fb問超區人選 關永業「多人嬲」
[2016.03.08] 發表
【明報專訊】新民主同盟(新同盟)早前話有意參選立法會超級區議會議席，兼喺facebook徵詢網民意見，測試一下網上風向。新同盟當初因為反對民主黨提出增設超區議席嘅政改方案先另起爐灶，今次打算選超區都引起「打倒昨日的我」嘅質疑，所以喺「第一輪諮詢」就叫網民贊成嘅畀「like」，反對就畀「angry」，結果like數近千，angry都有600幾，算過咗第一關。
噚日新同盟喺fb展開第二輪諮詢，就問網民贊唔贊成成員關永業出選超區，但反應似乎麻麻，出post幾個鐘，like數不足100，但angry就有逾250個，即係反對遠比贊成多。
關永業同Emily講自己無灰心，仲話反應其實係預料之內，因為另一個表明有意參選超區嘅黨友范國威(Gary)係「眾望所歸」，新同盟做諮詢都係想收集吓市民意見。佢話，黨員未正式開始表達參選意願，以佢所知暫時得自己同Gary有意選超區，但就話唔驚兩人會有惡性競爭，因為大家一直合作開心，自己喺fb張「飛呔」諮詢海報仲係Gary幫手設計嘅𠻹。
更多港聞
【明報專訊】所謂民生無小事，不過有時揀服務對象都係藝術。西貢富君區議員陸平才，近日宣傳煤氣公司嘅送爐具活動，就成為網上熱話，因為宣傳單張上面...
詳情
普教中專家：粵語應教則教 轉教學語言 學生3個月適應
【明報專訊】以普通話教中文引起熱議，其中一個討論焦點是普教中會否影響學生講粵語，及古詩文用粵語讀較理想。中文大學普通話教育研究及發展中心主任... 詳情相關新聞
