譚允芝評梁﹕對法治不敏感 未從善如流 欠魅力難管治
去年起出任大律師公會主席的譚允芝，短短一年已經歷了不少被指為衝擊法治的事件。今年初法律年開幕儀式，她援引數據以回應終審法院前常任法官烈顯倫，澄清司法覆核未被濫用。不止一次批評司法覆核被濫用的特首梁振英，翌日在沒提出憑據下老調重彈。譚允芝坦言「咁樣唔係從善如流」，感到梁對法治並不敏感，亦不覺得法治特別寶貴。她認為梁欠奉個人魅力增添其管治難度，作為領導者「做實事永遠係最好」。
身心備妥 始允任主席
資料顯示，譚允芝是大律師公會歷來第4名女主席，對上一位是9年前的資深大律師余若薇，另外兩人分別是資深大律師梁冰廉和李志喜。現時香港共有96名資深大律師，12人是女性，大律師仍然為較剛陽的行業，不過女性的剛柔並重，似乎是大律師公會女主席的特質。曾於2011年至14年擔任公會副主席的譚允芝，之後理應出任公會主席，但2013年因身體問題婉拒。直至去年，譚允芝有感身心也準備妥當，加上子女已日漸長大，可減輕身為母親的責任，終於去年出任公會主席。
盼梁改善溝通技巧
譚允芝坦言與梁振英「無兩句、無咩交流」，但談到梁振英在法律年開幕禮翌日，再次批評司法覆核被濫用時，譚皺眉「咁你一句頂返來算係點？我最benevolent(仁慈)、最唔小器嘅解讀，就當係we are talking on different levels (指不同層次的「濫用」)，「以政府嘅層面，一件(司法覆核申請)都係濫用，輸都係濫用，(申請人)出發點就係阻礙政府、令政府尷尬。」譚續說，「如果(司法覆核申請)有理據就唔會濫用，因為政府要依法辦事，但如果你真係唔依法，又點話人濫用？所以你(梁)一句頂埋來，你又無講我有咩唔啱，咁唔係一種從善如流嘅態度」。大狀習慣據理力爭，譚說並非要對方同意，但希望他改善溝通技巧。
譚允芝不欲以過濾了的新聞資訊品評梁振英，「《大公》話佢好，《蘋果》就話佢衰，中間嗰啲(媒體)就彈多過讚」，但總括而言，譚認為梁個人魅力欠奉，特別是他正經歷艱難時期，他必須正視和補救，「但無嘢好得過做實事」，又認為他應該對市民的想法和感受更敏感。
指李波案損中國威信
另一宗被指衝擊法治的李波事件，譚允芝對事件衝擊一國兩制憂慮頗深。她認為事件唯一不可抗拒的推論，「就係有啲答唔出嘅答案，咁答唔出嘅答案，係咪可以見人嘅答案？咁當然唔係啦。」譚指這宗「沒有答案」的事件，嚴重打擊中國的威信，動搖香港人及國際社會對一國兩制的信心，她希望中央政府必須正視，無論中央認為政策如何重要，亦必須要依法處理。
最寶貴法治 非港珠澳橋
不過，譚允芝不認為本港司法制度受質疑。根據2015年至2016年世界經濟論壇公布全球競爭力報告，香港司法獨立排名第四，譚說，「香港一個咁細嘅地方，法律人才唔係多人幾倍，但可以做到司法獨立到咁樣，係一個極大嘅成就」，法治是香港的基石，「香港最寶貴嘅嘢，唔係港珠澳大橋」。
李波事件引發港人對內地越境執法的憂慮，高鐵衍生「一地兩檢」爭議。譚允芝稱若有不損害一國兩制方案，相信值得探討，公會持開放態度，一旦政府公布方案，公會的憲法及人權事務委員會便會研究。
明報記者 謝美琳
