【明報專訊】噚日係年初七「人日」，大埔區議會舉辦「耆老千歲宴」慶祝，邀請咗近6000名73歲或以上嘅長者參與，仲向約40名97歲以上嘅長者，送贈刻有「福」、「壽」兩字嘅金牌及利市，當中最年長嘅人瑞係114歲嘅鍾貴嬌婆婆。 長壽秘訣：順其自然早睡早起 四代同堂嘅鍾婆婆雖然坐住輪椅，但影相嘅時候頻頻舉起雙手，表現精靈。Emily向鍾婆婆請教長壽秘訣，佢話最緊要係凡事順其自然，每日早睡早起、食得清淡。聽落老套，但鍾婆婆強調，如果想活到百多歲仍龍精虎猛，咁係不二法門。 鍾婆婆仲同Emily講，佢𠵱家每朝都會冲一杯咖啡，加糖加奶，係佢最鍾意嘅飲品。咁睇嚟，唔通每日一杯咖啡都有助延年益壽？
|
| |
| |
;){kind=small}
