雙陳賀新春 展鵬儲歌開個唱 山聰儲錢娶老婆
【明報專訊】陳展鵬、陳山聰不單同姓三分親，生肖同屬龍，還相識於微時，兄弟感情深厚。在剛過去的羊年，這對陳氏「兄弟」均取得甚佳的成績表，踏入猴年除希望演藝事業更上一層樓，陳展鵬並期望多些音樂作品，儲夠歌開演唱會。
陳展鵬與陳山聰的兄弟情始於10多年前，陳山聰說﹕「當年我已經無出碟，經朋友介紹認識展鵬，幫他做形象指導，做了幾套衫。」展鵬無奈說﹕「可惜當年唱片公司畀人收購咗，碟都無出過，是一個回憶，希望有機會重新來過。新一年我希望唱番多些歌，主題曲、插曲等，儲多些歌，看是否夠開演唱會。我亦想透過歌曲去表達自己的想法，一切要跟有經驗的人商議。當然我主力是演戲，有時間再分配做音樂。」
望猴年有更多新嘗試
去年陳展鵬憑劇集《張保仔》在新加坡及馬來西亞奪得視帝，陳山聰亦劇接劇曝光率甚高，嘗試到不同類型角色。他們猴年願望是有更多新嘗試，陳展鵬說﹕「去年播出的劇集《天眼》我都好鍾意，我有一段時間無演反派。《張保仔》就給我最多回報及意外驚喜，好感恩。」陳山聰同樣開心去年參演《張保仔》，以及在《殭》嘗試演殭屍角色，自己好鍾意，他表示從未演過紀律部隊角色，望有機會演。
望所有同事參加馬拉松
獎項方面，陳展鵬說﹕「獎無人嫌多，但首先要做好自己，要來的自然會來，有時要講時機及各方面配合。」陳山聰認同﹕「我再返無綫後好享受拍攝過程，每個角色的演繹及發揮，同事之間的默契及火花，大家一條心拍得開心已好滿足。其實每拍一套劇都是一場馬拉松，要講求大家的意志及努力，及要對公司及對手負責任。」熱愛跑馬拉松的陳山聰影響了很多同事，他笑言下一個目標是讓陳展鵬加入馬拉松行列。陳展鵬說有時間會逐步開始鍛煉，希望有一年全部同事一齊參加比賽。
「畀機會我識女仔」
兩人在感情路上似未有着落，陳山聰說﹕「現在以工作行先，其他事隨緣。當然我今年將踏入40歲，都想人生進入另一階段，組織家庭有小朋友，現在積極儲彈藥，為將來打好根基。」陳展鵬說自己想法一樣，而經常被追訪的他苦笑說﹕「要睇大家幾時畀機會我識女仔！要成為男女朋友需要時間認識，但好多時同異性食餐飯就講到結婚咁，表妹又被當女友，會嚇怕人，𠵱家我身邊變了全部男人。我明白做這行食得鹹魚抵得喝，但不要盯得太緊。」
記者﹕葉靜文
攝影﹕孫華中
場地﹕Jinjuu(蘭桂坊)
■更多娛樂猛料 ﹕ol.mingpao.com
