Formula E盼最平票價低過迪士尼
[2016.02.03] 發表
【明報專訊】電動方程式(Formula E)錦標賽香港站會於10月9日喺中環舉行，估計會推出4萬幾張門票，售價仲傾緊，最貴嘅賣成過萬蚊，可以同車手近距離接觸，最平門票希望可平過香港迪士尼票價(成人門票539蚊)，吸引一家大細入場。
Formula Electric Racing(Hong Kong)Limited 行政總裁方仁杰(圖)話，貴賓票可入去起點位置嘅Emotion Club，有嘢食，又睇到車手，而看台票可去唔同彎位嘅看台，睇到掟彎，最平嘅普通票就會大眾化，畀市民喺eVillage玩模擬香港賽道嘅電動車，但就未必睇到賽道，只可以睇大電視。
該公司市場推廣總監姜健恩話，貴賓票約有2000張，每張過萬蚊，而看台票則有1萬張，每張過1000蚊，普通票有3萬張，每張大約幾百元，相信會平過香港迪士尼，但實際價錢待定。
香港站賽道長兩公里，有10個彎，途經中環碼頭、摩天輪、IFC等，方仁杰話若果能夠搞夜賽，有維港夜景，一定好靚，但第一次喺香港比賽，要顧安全，所以先搞日間賽。
同方賽式賽車要中途入油唔同，方仁杰指電動車約跑30至50圈，中途無得叉電，無電就要換車，而公眾可以玩Fan Boost，最多人like嘅車手就可以喺比賽中途額外加電。
更多港聞
【明報專訊】港大民研計劃最新「十大立法會議員」評分調查，立法會主席曾鈺成繼續名列前茅，係自2013年4月起連續第12次，而政壇嘅田氏兩兄弟，...
詳情
【明報專訊】上周二港大學生再次圍堵校委會，校委會主席李國章其後炮轟學生「中毒」，又稱當晚不應學生要求親身解釋校委會決定，因為「唔係你拎住支鬼...
詳情
被捕少年獲輔導 重犯大減 警3年轉介近千人 青協冀擴展計劃
【明報專訊】青年協會青年違法防治中心自2012年起，與警方新界南總區推行「守望計劃」，為被捕青少年提供即時支援及輔導。中心督導主任陳文浩表示... 詳情
相關新聞
