林鄭唔答一帶一路國家首都 蘇錦樑：點解無人問我？
[2016.01.16] 發表
【明報專訊】今年施政報告大推「一帶一路」，令港人一夜之間重新認識呢個祖國政策，前日有傳媒出題考政務司長林鄭月娥「一帶一路」嘅國家哈薩克同烏茲別克首都係咩，林鄭就無正面回應。噚日商經局長蘇錦樑與傳媒茶敘就不忘抽水，主動問「點解無人問我啲首都喺邊嘅？」對於有人覺得施政報告主打「一帶一路」係「買票」，蘇錦樑就話呢個政策係發展經濟嘅契機。
蘇：知道咩係「洗版」
特首梁振英喺施政論壇畀傳媒問咩係「洗版」就口啞啞，Emily乘機問蘇錦樑知唔知咩係「洗版」，佢笑住話知道，仲問大家有無睇佢個facebook。至於網民關心嘅版權條例修例，蘇錦樑就重申政府唔會撤回草案，呼籲議員返嚟開會同唔好拉布，亦唔同意係當局準備不足令會議被拉布。
更多港聞
「重返」1920年代舊香港 復古電車穿梭上環銅鑼灣
【明報專訊】香港電車有限公司將喺本月24號推出全新嘅「電車全景遊」觀光旅程。Emily噚日去睇過架復古觀光電車，車身仿1920年代設計，上層... 詳情
相關新聞
