青年新政選立會 擬派游蕙禎戰九西
[2015.12.16] 發表
【明報專訊】立法會新東補選將近，傘兵組織「青年新政」早前表明有意出選，仲約咗公民黨商討初選，據聞佢哋禮拜六就會再同公民黨見面，就初選有最後定案。不過睇怕搞唔成嘅機率都大，青年新政召集人梁頌恆已吹淡風，話如果最後要同公民黨「硬撼」，寧願集中資源備戰明年立法會選舉。因為其實補選只係前菜，青年新政主要目標始終係明年立會議席。據聞佢哋已有初步部署，有機會派3隊，按勝算依次係九龍西、新界西同港島。
至於九東，青年新政評估交畀地頭蟲「慈雲山建設力量」及「東九龍社區關注組」派人出選。
梁頌恆分析，九西勝算最高，人選則有意派知名度好高嘅「女神」游蕙禎(圖)，意味明年可能有機會再見游蕙禎大戰梁美芬，但梁頌恆話游蕙禎仍在考慮，要畀啲時間對方。雖然區選游蕙禎以300幾票之差敗選，不過聽聞佢嚟緊會擔任當選嘅戰友鄺葆賢嘅議員助理，所以黃埔居民會成日見到孖妹。
區選後青年新政有意重整旗鼓，正籌備會章，預計月底會投票通過，並舉行會員大會，重新選出發言人及支部負責人等。目前青年新政有逾140名會員，梁頌恆話要陸續發出短信，確認成員係咪有意留喺青政。
更多港聞
【明報專訊】早前多名新界原居民因「套丁」罪成被判囚，唔少鄉親反彈，有人歸咎時任發展局長林鄭月娥2007年曾去信鄉議局，保證「套丁」唔觸犯刑事...
詳情
視藝教師﹕二次創作可練批判 「所需智慧創意不比原創少」
【明報專訊】政府提出修訂《版權條例》，二次創作再受關注。伊利沙伯中學舊生會中學視藝科教師梁德賢說，新高中視藝課程講求的批判思考，正是二次創作... 詳情
【明報專訊】政府就遏止操練全港性系統評估（TSA）發指引，引發校長不滿，但公然違反指引或被教局追究，亦可能遭家長挑戰，有指教育界一於「你有張...
詳情
相關新聞
