【明報專訊】恒生管理學院自2011年起，每年做一次君子企業調查，希望弘揚「君子五德」作為營運企業嘅道德標準，亦即係「仁、義、禮、智、信」，主辦單位透過問卷了解7個行業(公共服務、傳媒、零售、旅遊、金融、飲食、地產)嘅企構情况，喺合共210間機構中，評估大家以五德營運嘅表現。7個行業中，君子分數最高嘅係公共服務，其次係傳媒、零售、旅遊、金融、飲食及地產；而傳媒喺五德中，表現最好係「義」、「信」，最差係「仁」，但主辦單位話，傳媒喺「仁」嘅表現已在改善中，結果可能同傳媒報道手法有關，因為近年傳媒報道多咗社會上嘅好人好事。 今屆結果係，759阿信屋、天星小輪、香港電車獲「君子企業典範獎」；《明報》、《南華早報》、 《信報》、香港電台、《經濟日報》、王維基嘅香港電視等傳媒獲「君子企業獎」。
|
| |
| |
