世衛研究唔影響大sir 一哥﹕少食腸仔 李家超：麥皮好

警務處長盧偉聰（左三）噚日率領警隊高層，包括兩名副處長黃志雄（左二）及周國良（右一）等出席員佐級協會嘅酒會，與名譽會長譚惠珠（右三）、協會主席陳祖光（右二）齊齊在台上祝酒。（劉焌陶攝）

中聯辦警聯部副部長李民真都有出席警隊員佐級協會嘅周年酒會。（劉焌陶攝）

【明報專訊】世界衛生組織轄下機構出咗份話加工肉類可致癌嘅研究，Emily同唔少平日鍾意食腸仔蛋早餐同餐蛋麵嘅朋友，都唔知點算好；Emily噚日去咗警察隊員佐級協會嘅38周年會慶酒會，碰到警務處長盧偉聰，「一哥」話其實佢近年都已經好少食呢類肥膩嘢，仲笑笑口話年過50歲，飲食都要節制一下，睇嚟呢個研究對佢影響應該有限。

李sir：想知金華火腿有冇問題

唔知係咪紀律部隊出身嘅阿sir，健康意識都比較高，同場嘅副保安局長李家超話，佢平日早餐多食麥皮，所以世衛研究結果對佢都無乜影響，仲向Emily推介麥皮做早餐夠晒健康，食粥澱粉質高，反而會食肥人。李sir仲分析個研究，話太側重西方飲食文化，有講煙肉腸仔等加工肉類，而佢自己就比較想知道金華火腿有無呢個問題呢。

警協酒會 湖南公安中聯辦到場

噚日嘅警察協會酒會，警隊高層盡出，協會主席陳祖光致辭時話，噚日仲請咗訪港嘅湖南省公安廳人員出席，Emily都見到中聯辦警聯部副部長李民真都有到場。

更多港聞

被問唔開評論功能 CY：仲學緊 話推介「鈺成主席」去馬爾代夫

【明報專訊】特首梁振英（CY）日前開facebook與網民分享生活點滴，旋即引來關注，佢噚日去行會前都有回應自己開fb心得。被問到點解唔開放... 詳情

唔做大嘥鬼 環署推食肆回收玻璃樽

【明報專訊】環境保護署今個月起推出「乾杯暢飲 盡情回收」計劃，喺14個大型商場同商廈推動食肆自願回收玻璃樽，希望佢哋唔好做「大嘥鬼」。 ... 詳情

抗禽流演習 代號「山茶花」

【明報專訊】天文台預報周末轉涼，星期日會跌到20℃，港人終於可以同「熱辣辣」嘅10月講拜拜。但踏入秋冬季意味進入流感病毒高峰期，漁護署噚日就... 詳情

足總短片叫球迷尊重對手

【明報專訊】世界盃足球外圍賽嘅「中港大戰」11月17日喺旺角場上演，門票11月4日發售。近年中港矛盾升溫，而中國隊同香港隊又有少少牙齒印，所... 詳情

同學仔設計 昂坪員工換制服

【明報專訊】昂坪360邁向10周年，員工下月1日起換上全新設計嘅多功能制服，以活力形象示人。昂坪360話要支持本地創意工業，所以喺2013年... 詳情