【明報專訊】呢期發生鉛水事件，又臨近年底區議會選舉，各大政黨都紛紛「抽水」檢驗。民主黨黃碧雲同經民聯梁美芬噚日更加將「戰線」伸延至高鐵工程。噚日兩人話，因應立法會申訴部早前收到西九龍居民�鴽賱D，關注高鐵地盤所造成�麰囍P問題，於是去�鬫黥偎D臨時行人天橋視察，仲要各大政府部門同港鐵代表出席講解。

港鐵介紹話，未來西九龍總站�鵀璊H天橋會分為3段，分別由總站到圓方商場、九龍站上蓋以及柯士甸站，天橋就採通風式設計，頂蓋會用夾層玻璃同埋鋁製遮光板。

不過，兩位阿姐就有備而來。梁美芬話，由於高鐵工程一再延遲，唔少居民反映話工程噪音大，又話地盤持續施工，令廣東道一帶交通擠塞，要求港鐵改善。黃碧雲就批評天橋設計得個靚字，但唔實用，擔心建成後要令市民日曬雨淋。兩人雖在選舉中交鋒，但就強調今次係「跨黨派合作」，希望為市民做實事喎。