【明報專訊】潮流興本地創作，工聯會立法會議員陳婉嫻身體力行支持。佢噚日戴咗一條好潮嘅「Dream Big」星星形頸鏈，嫻姐話好欣賞本地年輕人作品，仲話「Dream Big」好有意思，因為如果人生無夢，就同鹹魚或者殭屍無分別。 戴星形鏈 撐本地創作 至於嫻姐有乜嘢理想，佢就話好希望可以令到香港各界都可以互相包容，即使大家有不同睇法，都唔好鬥到你死我活。 唔知嫻姐係咪對香港現狀太憂心，噚日佢喺立法會「腳步浮浮」，好多記者見狀都上前慰問。原來嫻姐已經斷斷續續失眠咗半個月，所以精神唔係太好。嫻姐話已經試盡方法解決，包括數綿羊同睇電視，但無樣掂，所以打算去旅行散心，放鬆吓自己。 另外，經民聯立法會議員梁君彥噚日請記者同議員食蛋撻，佢話係慶祝工總成立55周年，所以大家一齊開心吓。
|
| |
| |
;){kind=small}
