【明報專訊】國泰航空企業事務董事唐偉邦噚日同一眾傳媒食飯，席間提到香港人好鍾意旅行，即使金融海嘯時，出外旅遊嘅人數亦唔少，嚟緊國泰考慮增加航點，日本方面考慮緊直航廣島，長線方面就有計劃想飛去西班牙、南美。 當然，一切安排要待國泰正式公布啦，但唐偉邦話，明年2月左右佢哋開始陸續買Airbus A350，A350載客量約300人，同?家波音嘅777載客量差唔多，但前者因為機身物料輕，可以慳油兩成，咁樣即使去西班牙嘅客量不及英法德等地，但計吓條數仍有得做。 被指削墨爾本津貼 「其他站有加」 至於國泰空中服務員工會日前批評公司，本月起突然大削員工轉簽長約薪金達一成，又減外站津貼，機艙服務員總經理楊詠儀就話，轉長工嘅合約每個人都會有唔同，不能一概而論，至於外站津貼，主要受提供膳食嘅酒店安排影響，工會話澳洲墨爾本外站津貼減一成八，但楊詠儀話其他外站津貼有增加，唔應該只睇一個站。
|
| |
| |
