【明報專訊】也門近日武裝衝突好激烈，造成多人傷亡，傷者不斷湧去無國界醫生(MSF)位於南部城市亞丁(Aden)嘅醫院接受治療。為咗應付源源不絕嘅傷者，無國界醫生需要藥物同醫護人員支援，外科醫生歐耀佳曾經到過戰亂地區參加救援，佢唔驚也門危險，舉手去當地支援。佢星期四飛到首站吉布提(Djibouti)，再搭船經紅海到亞丁市，航程要12小時，佢只係擔心船上瞓唔着。 無國界醫生傳訊部主任Iris確認，歐醫生?家喺亞丁。也門衝突傷者多數係中槍，要做緊急外科手術。組織會根據當地需要，可能分派歐醫生去北部薩那(Sanaa)或者哈米爾(Khameer)協助當地外科隊伍。 無國界醫生喺亞丁嘅醫院約有150名員工，3月到?家已接收超過600名衝突傷者，因為大型傷亡事故包括炸彈襲擊受傷人數有成100人。醫療隊同物資已經陸續送到亞丁，但仍然需要更多支援。
|
| |
| |
;){kind=small}
