增7％ 工聯會員逼近40萬
[2015.04.13] 發表
【明報專訊】工聯會噚日召開會員大會，理事長吳秋北以「擴大愛國團結，強化會務根基，推進工運新發展」為主題，發表第34屆理事會工作報告。吳秋北話過去一年工聯會會員人數比對上一年多咗7%，達39.2萬，睇嚟好快過40萬大關。工聯會又話要旗幟鮮明咁維護「依法政改」，做好國民教育工作。會長林淑儀就話工聯會挑選緊代表參選區議會， 以「參政為勞工」做參選方向，但暫時未知會派幾多人參選。
吳秋北喺工作匯報開首就指摘，?家有好多反對派阻撓政府施政，製造社會矛盾，將所有問題歸咎於行政長官同選舉制度，撕裂社會。
佢話人心回歸係一國兩制、港人治港嘅重要基礎，所以工聯會會全力支持特區依法施政。
工聯會陳婉嫻早前公開斥責吳秋北，喺參與標準工時委員會工作時「不夠精明」，而吳秋北噚日嘅工會工作報告，都有提出要爭取標準工時、退休保障制度、取消強積金對冲等。
更多港聞
相關新聞
