【明報專訊】喺香港明天更好基金主席、恒隆地產董事長陳啟宗眼中，香港?家嘅情况係回歸十幾年來最好，無他，佢認為北京以往應管不管，放任自由，?家就嚴格按照《基本法》嚟管，「一天都光晒」。 「一人一票會變民粹」 陳啟宗噚日同傳媒茶敘時，唔肯評估政改方案通過嘅機會有幾大，但就表明唔認同一人一票，認為會造成民粹主義，又話功能組別有絕對存在嘅必要，可以予以牽制。佢仲話，台灣媒體人陳文茜喺一篇文章中慨嘆過，台灣同香港一齊加入APEC，但台灣10多年來經濟了無寸進，原因就係一人一票民粹主義嘅禍，仲警告話香港都可能步台灣後塵。陳啟宗又以歐洲嘅例子嚟說明民粹嘅禍害，話希臘本來就周身債，仲一人一票選出個反緊縮嘅總理齊普拉斯，都唔知點收科。佢敬佩嘅美國前國務卿基辛格同德國前總理施密特都同佢講，歐洲喺民粹主義抬頭下已經無前途，可以不理。 暗批前特首搞到樓市今時今日 紀惠集團行政總裁湯文亮認為「細價樓」會喺3個月內「爆煲」，陳啟宗就唔同意嘞，佢話香港金融制度健全，按揭(家庭負債)佔GDP成數不高，加上梁振英政府恢復土地供應，所以唔應該會爆煲。佢仲不點名意有所指咁話，搞到香港樓市今時今日咁嘅環境，完全係過去最少7年無土地供應嘅結果，而當時嘅話事人做出咁嘅決定，一係就蠢，一係就另有意思、耐人尋味。大家收到未？
|
| |
| |
;){kind=small}
