【明報專訊】立法會第一大黨民建聯將「改朝換代」，主席譚耀宗(譚sir)4月會卸任，雖然大家都認為年輕嘅副主席李慧琼(Starry)會接棒，但按「遊戲規則」，佢哋中委會要經民主選舉推舉新主席；但另一副主席蔣麗芸(Ann姐)噚日就唔小心講漏嘴，話民記將會有兩個副主席空缺位，除咗佢自己唔做副主席，仲有「Starry升咗上去(主席)！」 民記前晚開中委會，會上譚sir同Ann姐公布唔會連任正、副主席。民記一眾大員噚日喺立法會被傳媒追訪。接棒主席大熱嘅Starry就話，前輩大力提攜年輕人，等新一代喺不同平台、不同位置學習發揮。佢喺facebook留言話﹕「會做好準備，勇於承擔。」 師父曾鈺成叫好 譚sir仲講，好開心年輕一代接棒，話?家係合適時機退下，但佢就話未有決定會唔會參選明年嘅立法會選舉。Ann姐就坦白啲，雖然唔選黨副主席，但問佢仲選唔選立法會時，佢就講明希望繼續服務市民，但選唔選唔係佢決定，而係市民想唔想佢繼續做議員，所以要先睇民調支持度同埋民建聯安排喎。 記者們亦問民記前黨主席曾鈺成，由佢愛徒做黨主席好唔好，佢老人家梗係話，「好，好呀！」
|
| |
| |
;){kind=small}
