【明報專訊】facebook近年成為政界同市民接觸嘅重要渠道，不過政見唔同，網民就好易會向facebook舉報，好似民建聯早前多名議員都被人舉報到fb帳戶被封，其中陳克勤就要出動佢張政協證件，證明個帳戶真係佢嘅。不過佢黨友葛珮帆(EQ)就無咁好彩喇，佢3個帳戶都被封，至今仍未開通番，大嘆體會到被人「滅聲」之苦。 EQ話，由於fb戶口只能有5000個朋友，所以佢有成3個帳戶，共有1萬幾個朋友，過去有時都會同佢哋喺fb溝通、私訊，今次fb封晒佢嘅帳戶，可以話令佢雞毛鴨血，佢都唔知點樣尋人。EQ仲大呻，佢曾經多次問fb原因，又試過將立法會嘅證件傳畀fb以證明佢嘅身分，但對方完全無回覆，就算佢打算用自己名再開個新帳戶，都唔知點解同樣失敗。 EQ話?家唯有靠fb專頁頂住檔先，但始終只能單向發放資訊，唔可以溝通，但佢周圍叫人like佢個專頁，成績都唔錯，短時間內就有6000人like咗。
|
| |
| |
