【明報專訊】港大民意研究計劃最新調查發現，香港市民對特區政府同內地政府嘅觀感淨值，兩者都唔係咁好，只得負5％，但對台灣及澳門政府嘅觀感淨值則分別為正13％及正32％。 但對於其他政府，就大多正評，其中市民對新加坡、加拿大及澳洲政府最有好感，分別有正50%、42%及42%；而唔知係咪受韓風影響，港人對韓國政府嘅好感淨值亦急升，達正39%，反而對日本政府嘅好感就麻麻，係負41%。 民研計劃上月訪問1009人，調查香港市民對各地政府及人民嘅觀感。兩岸四地而言，本港市民對「香港人」好感達到正38%；對大陸人嘅好感就有正6%，比對大陸政府嘅好感高10%。而喺其他國家，香港市民對韓國、德國及俄羅斯人民嘅好感，以淨值計更升至2007年以來新高。民研話，市民對各哋人民嘅好感淨值，全部高於對當地政府嘅好感淨值，值得各國政府研究。
|
| |
| |
