啟德公園留跑道痕迹
[2014.08.11] 發表
【明報專訊】喺啟德舊機場位置跑道末端嘅啟德跑道公園第一期，已經開放畀市民使用，呢個公園加入咗唔少航空特色，例如舊跑道以前叫「一三跑道」/「三一跑道」，所以康文署將「13」同「31」兩組數目字印喺公園地上，又保留咗舊跑道前端嘅黃黑相間「棋盤格」標記，呢種標記係機師降落時嘅目視地標。
黃黑棋盤格 紙飛機座位
為咗讓市民可以懷念前啟德機場嘅光輝歷史，公園仲加入介紹舊機場歷史嘅「啟德歷史軸」同紙飛機形狀座位，有珍貴嘅歷史圖片。公園仲有一個面積約有20個籃球場嘅大型草坪，啱晒假日一家大細去野餐，九龍灣德福花園每日都有專線小巴往返，而喺假日牛頭角及觀塘港鐵站仲新增咗一條假日專線去郵輪碼頭?。
更多港聞
相關新聞
