美國經過巴西世界盃後對足球的關注度急升，就連NBA球星安東尼亦食住個勢，日前專程到洛杉磯集訓的皇家馬德里探班，該尼克球星自爆係「銀河艦隊」及基斯坦奴朗拿度(C朗拿度)的死忠，變相收宣傳之效的皇馬相信唔介意「的波」、近射、頭槌都姿勢「騎呢」的安東尼「屎波」。

「我係足球迷，愛隊係皇家馬德里，最喜愛球員？梗係基斯坦奴朗拿度啦！」皇馬開季於洛杉磯完成第2課操練後，今夏同尼克續約的「甜瓜」安東尼到場探班時即時自爆心情。踩住咁靚的草地，佢同囝囝Kiyan「腳痕」落場賣弄腳法。甜瓜首先「的」��5下波已經甩腳；好，當佢未熱身，但之後接應Kiyan傳中以2.03米身高施展頭槌，不過展示唔到平時入樽的彈跳力，效果軟弱無力。及後安東尼禁區內近門「軟」射，但總算入網，挽回少少面子。

安東尼亦無放過賣口乖大讚皇馬新兵占士洛迪古斯，仲話多年來都想飛到班拿貝感受比賽氣氛，其實NBA 10月尾開季，安東尼要一圓心願的確唔難，有心就一定得！

巴利大讚西甲最刺激

至於無見一排的皇馬翼鋒加里夫巴利(圓圖)則留長頭髮操練，佢戴上髮箍十足佢偶像兼隊友C朗拿度投效曼聯初期的造型，巴利更加話「西甲是全球最刺激的聯賽，吸引球星來投，比英超好，所以占士洛迪古斯加盟係���鵅v，咁識講好話，要同C朗、占士洛迪古斯、卻奧斯等做老友話都無咁易啦。