【明報專訊】本星期二嘅七一遊行有大批市民上街要求真普選，但特首梁振英噚日喺立法會答問大會，好起勁咁3次提及「上星期日」嘅一個遊行，話有示威者「佔領」預演「佔中」係不必要嘅，之後仲話自己通過電視直播睇過嗰場遊行𠻹。 新聞處澄清一時混淆 Emily翻查「上星期日」有咩遊行示威活動，上星期日(6月22日)唔覺有咩大型示威。 正當Emily苦思自己甩咗邊場有直播睇嘅遊行，政府新聞處出稿，原來CY口中「上星期日」嘅一場遊行，係講星期二嘅七一遊行，可能嗰日係公眾假期兼紅日，CY一時將佢同星期日混淆咗。 政府除咗喺七一遊行當日傍晚發表聲明回應遊行，一眾問責官員至今都無回應遊行人數。Emily喺星期三立法會大會期間追問多名局長，佢哋個個耍手擰頭，政務司長林鄭月娥、財政司長曾俊華、律政司長袁國強同行會召集人林煥光，噚日都同樣避而不談。
|
| |
| |
;){kind=small}
