主持旅遊節目首播 蒙嘉慧帶Dee姐保錡學劍道
[2024.11.05] 發表
【明報專訊】蒙嘉慧(Yoyo)為ViuTV主持旅遊節目《呢度住吓 嗰度住吓》昨晚首播，她帶着陳海寧(Dee姐)及保錡到福岡探索；兩人感受Yoyo眼中福岡最宜居、最自在的生活模式，體驗令人夢寐以求的逍遙境界。
Yoyo表示看節目《花姐ERROR遊》認識保錡，記得對方常講「唯快不破！」令她幾鍾意，當時看節目好開心，每晚回家就想看保錡的節目，她說：「有時人生有呢啲娛樂就開心，唔需要咁認真。」她談到跟Dee姐的相識經歷說：「Dee姐係經我老公(鄭伊健)認識，我記得第一個印象，佢係好得意嘅女仔，同埋好為食，我都好食得，但都輸畀佢！」Dee姐分享跟Yoyo結緣經過，「有兩次去日本玩，Yoyo帶我周圍食嘢同遊覽，佢超乎我想像咁鍾意食嘢，又畀好多意見我」。保錡笑問Dee姐：「咁食完之後有咩搲到？淨係搲到嘢食？做娛樂圈最緊要搲到機會呀！」Dee姐說：「唔係㗎，我覺得機會呢啲嘢，有就有，無就無㗎啦。」Yoyo表示喜愛劍道，帶Dee姐和保錡學劍道，跟當地師生交流切磋，場面有趣。
娛樂組
更多影視
【娛樂場】自資出新歌《不破不立》 乙女新夢重新出發
【明報專訊】港產日系女團乙女新夢2019年出道，目前成員有Rika、Rinka、Ai及Maho，推出過10多首單曲，在日本亦出過單曲，有不少... 詳情
米高積遜唱片監製 奪28格林美獎 Quincy Jones逝世 享年91歲
【明報專訊】傳奇音樂監製Quincy Jones周日（3日）晚在洛杉磯貝萊爾住所與世長辭，臨終時家人陪伴在側，享年91歲，其發言人證實噩耗，... 詳情
相關新聞
