美倘減息 不會很快加返

星期六早上去到茶餐廳，見到大家心情都唔錯，中原指數三連升，雖然升幅唔夠1%，但總好過下跌，而1個月拆息仍然維持在1厘以下，令到不少供樓的業主負擔減少很多，最令大家失望就是美國聯儲局主席鮑威爾遲遲唔肯減息。不過亦有客人話，就算美國減息都無用，很快就會加返，反而是一個不利因素。

客人的說話真的是至理名言，未減息之前，大家期望會減息，是一個有利因素，但在減息之後，大家又會擔心唔知幾時會加返息，減息反而是一個不利因素。不過，在這個階段，美國減息是必須的，至於幾時加返息，就睇情?而定，都唔顧得咁多。

美現階段須減息 幾時加息睇情?

老闆叫大家不用擔心，昨日報章頭條，就是大摩以及大行分析齊齊唱好香港，甲廈止跌回升，其中一個原因就是利息一定會下跌，而且唔會咁快升返。至於大摩點解咁肯定，就是特朗普現在大力鼓吹減息，如果利息下跌，他絕對唔會將利息提升，起碼在他任內不會。

特朗普還有3年多任期，如果美國利息下跌，起碼3年多不會加息，下一屆無論民主黨或者共和黨人做美國總統，都唔夠膽加息。所以，香港業主要為特朗普祝福，希望他可以完成這個總統任期，否則有可能要捱貴息。

湯文亮

紀惠集團行政總裁