【Emily】入境處出繪本 教外遊遇事點求救
[2025.06.28] 發表
【明報專訊】入境處推出兒童繪本宣傳國家領事保護服務同外遊安全嘅信息，噚日舉辦發布會，出席活動嘅國家跳水奧運金牌得主郭晶晶話，俗稱「救人組」嘅「協助在外香港居民小組」喺新冠疫情期間到外地送藥，令佢印象深刻，並記住咗1868熱線，不過主持問佢有無用過熱線，佢就話自己好彩暫時未用過。
處方創作嘅繪本叫「阿邦的夢想國之旅」，講述吉祥物1868大使「阿邦」旅行途中遇上嘅事。繪本將派畀全港逾1500間小學同幼稚園，亦會推出電子版本上載去教育局網頁。現場有幾個小朋友演繹繪本故事，提到「阿邦」同朋友外遊上雪山，途中地滑難行要折返，但落山又被大雪擋住，最後打1868求助後獲救，現場仲有小朋友主動舉手話要搵領事幫手𠻹！
噚日都係1868求助熱線20周年展覽開幕禮，入境處長郭俊峯話，多年嚟接獲共280萬個查詢電話，涉及7萬宗個案；至於今年至今就收到約1500宗求助個案，遺失旅行證件佔最多。
更多港聞
【明報專訊】政府年初舉辦「愛心食肆 賞你惠食」計劃，派餐飲優惠券畀長者。勞福局長孫玉菡噚日宣布，下個月會推出第二輪活動，今次就轉派早餐券，每...
詳情
【明報專訊】大家上禮拜六經過蘭桂坊，唔知有無見到一班巴西舞者喺街頭載歌載舞呢？錯過表演嘅市民𠵱家有機會喇！首屆「香港巴西狂歡節」噚日至聽日...
詳情
相關新聞
