【Emily】顏汶羽出書談人力政策
[2025.06.26] 發表
【明報專訊】一年一度書展將至，擔任民建聯人力事務發言人嘅立法會議員顏汶羽(Frankie，圖)今年自資出書，探討本港人力事務議題及民建聯相關政策建議。Frankie話新書匯聚佢多年來嘅人力政策倡議，形容係佢嘅「baby」，希望為社會探討本港人力事務提供一個參考。
新書《淺談香港人力政策》觸及最低工資、職業安全、鼓勵生育、輸入外勞等議題，每個章節會敍述相關事件或爭議，然後提出意見同建議，以及政府回應。Frankie憶述，自2008年加入民建聯已跟進人力政策，新書記錄該黨全面嘅人力政策藍圖，總結民建聯嘅取態並不偏向勞方或資方，旨在平衡各方利益。
Frankie話香港關於人力事務嘅書唔多，希望新書可以作為一個參考，之後除咗喺書展推廣，佢亦會到中學、大學分享。
更多港聞
相關新聞
