【Emily】蠟筆小新展明啟德開鑼 0至3歲免費
[2025.04.28] 發表
【明報專訊】啟德體育園喺5月份會有多項活動舉行，其中以香港為首站、全球最大型蠟筆小新展覽《玩轉！時空大冒險》互動展覽，聽日(29日)起喺啟德零售館開鑼，小新迷可以沉浸喺蠟筆小新7套經典電影世界，展覽並設有限定店香港區獨家精品同主題限定小食店，0至3歲細蚊仔免費入場。
野原家客廳「搬港」 光影重現舊時刻
展覽聽日至8月底喺啟德零售館2嘅4樓舉行，展覽設五大主題專區、九大展區，包括「野原家客廳」，仲會有博物館光影重現蠟筆小新35年感人時刻，一眾小新迷將可穿越時空隧道，躍進小新大電影多元宇宙，探索多個唔同年代嘅經典電影場景。
展覽開放時間由每日上午11點至夜晚10點，今日買門票仍可享早鳥優惠，平日、周末及假期單人票價分別係88元同108元；雙人票價分別係158元同188元。聽日起至展覽完結當日嘅平日、周末及假期單人票價分別係108元同138元；雙人票價分別係185元及235元。
更多港聞
【Emily】添馬舞動水滴展 馬興文為曾國衞「導航」
【明報專訊】今年係東江水供港60周年，政府喺添馬公園及中西區海濱長廊（中環段）舉行緊「舞動水滴展」。政制及內地事務局長曾國衞早前去咗參觀，並... 詳情
中大文物館更新 面向年輕人 多推校園活動 261人申做學生大使
【明報專訊】沿斜坡走上中大本部校園，途經文物館新翼，學生相聚館內咖啡廳。「以前訪客年紀較大……好多學生可能4年都無踏足文物館」，中大文物館助... 詳情
【明報專訊】多間自資院校「超收」非本地生，人數甚至超越本地生。教育局長蔡若蓮昨日不點名指有院校收生「太過進取」，局方會發警告信，但當局較難因...
詳情
相關新聞
