【Emily】立會label國產酒款高官 議員讚價廉物美
[2024.12.04] 發表
【明報專訊】立法會噚日舉行午宴，宴請特首李家超、行會成員同政府高級官員。Emily留意到，枱上擺放嘅紅酒上面招紙有立法會「立」字標誌，細心睇原來係內地寧夏賀蘭山東麓葡萄酒產區出產嘅酒。立法會主席梁君彥喺午宴期間仲拎起向李家超介紹。
據聞呢隻酒係立法會訂製，今年開始用。對比立法會過去午宴，今年2月新春午宴都有過同款酒，不過「低調」無放枱面。有議員話，支酒價格相宜，味道唔錯。
梁君彥致辭時透露，立法會大樓擴建工程完成後，議員樓層出入權限已放寬，官員只要手持立法會證件可以自由穿梭唔同議員樓層，方便交流。佢又感謝政府部門喺擴建工程中緊密協作，形容係行政立法關係良性互動好例子。
蘇長荣扭親 輪椅出席
午宴有唔少議員同官員出席，其中選委界別議員蘇長荣坐輪椅到場出席，需要人攙扶上座。蘇老闆解釋佢噚日扭親，傷到韌帶，近期都行唔到。
更多港聞
【Emily】義工為梅子林添色彩 黃錦星籲復育老村
【明報專訊】沙頭角荔枝窩深山有客家古村名為「梅子林」，當中嘅壁畫村係港產片《緣路山旮旯》取景地。前環境局長黃錦星噚日喺facebook話，有... 詳情
【Emily】中國工藝精品展 岫岩玉德化瓷百作品
【明報專訊】中國工藝美術玉雕瓷器精品展交流會噚日起喺中環中商藝術大廈舉行，包括石雕藝術家麻雙鳴等多名藝術家出席，並展出過百件作品，涵蓋遼寧岫... 詳情
相關新聞
